Օգտակար խորհուրդներ կանանց

Երբեմն դաշտանը լինում է շատ աննշան: Սա դեռ ոչինչ, երբեմն նույնիսկ ընդհանրապես չի լինում: Նման դեպքերում կարելի է դիմել հետեւյալ փորձված ժողովրդական միջոցներին:

Կաթսայի մեջ լցնել 1,5 բաժակ ջուր եւ տաքացնել` մինչեւ ջրի եռալը: Կրակը ցածրացնել այնքան, որ եռը դադարի, եւ տաք ջրի մեջ լցնել 4 գ չորացրած սպանդ` մոգիլնիկ, եւ խաշել 15 րոպե` թույլ չտալով եռալ: Քամել եւ ամբողջը խմել միանգամից, առավոտյան, քաղցած վիճակում եւ դրանից հետո 6 ժամ ոչինչ չուտել:

Երկրորդ դեղամիջոցը պատրաստվում եւ ընդունվում է ճիշտ նույն ձեւով, բայց սպանդի տերեւների փոխարեն հարկավոր է վերցնել մեքսիկական «Տաբաչին» բույսի 4 ծաղիկ: Մեքսիկացի հնդիկները այդ բույսի ծաղիկների փոխարեն վերցնում են հավասար մասերով նրա կեղեւը, արմատներն ու տերեւները: Եվ նաեւ պետք է չմոռանալ, որ անկանոն դաշտանի պատճառները շատ են լինում, ուստի առաջին հերթին պետք է դիմել մասնագետի:

Հաճախ, ընդհակառակը, դաշտանը լինում է առատ եւ ցավոտ: Չինաստանում եւ Ճապոնիայում հնագույն ժամանակներից կանայք օգտագործել են գնդածաղկի` սովորական օշինդրի արմատը: Վերցնել թարմ կամ չորացրած արմատը, մանր-մանր կտրատել, պատրաստել եփուկ եւ խմել օրը 2-3 գավաթ: 10 գավաթ եփուկի համար պետք է վերցնել մոտ 4-5 արմատ:

Հարցեր, պատասխաններ, մեկնաբանություններ